ڈاکٹروں کا سیاہ پٹی باندھ کر احتجاج

سری نگر گڑھوال۔ دہرادون کے کورونیشن اسپتال میں ڈاکٹروں کے ساتھ مارپیٹ کے واقعے پر برہمی کا اظہار کرتے ہوئے سری نگر کے جوائنٹ اسپتال کے ڈاکٹروں نے قصورواروں کے خلاف کارروائی کا مطالبہ کیا ہے۔ ڈاکٹروں نے اسپتال کے احاطے میں سیاہ پٹیاں باندھ کر علامتی دھرنا اور مظاہرہ کیا اور مطالبہ کیا کہ ڈاکٹروں کے ساتھ ایسے واقعات کو روکا جائے۔ اس موقع پر پراونشل میڈیکل سرویس ایسو سی ایشن کے ضلعی صدر ڈاکٹر لوکیش سلوجا نے کہا کہ حکومت اور انتظامیہ کی طرف سے ہسپتال کے احاطے میں اس طرح کے واقعات پر قابو پانے کے لئے سخت قوانین بنائے جائیں، تاکہ ہسپتال میں اس طرح کے واقعات آئے روز رونما نہ ہوں۔ اس موقع پر سی ایم ایس ڈاکٹر گووند پجاری، ڈاکٹر اجے گوئل، ڈاکٹر سونالی، ڈاکٹر انکت گارولا، ڈاکٹر مریسا پنوار، ڈاکٹر جینتی، ڈاکٹر گنجن اور دیگر اہلکار موجود تھے۔